Новости проекта
Мобильное приложение Schools.by
Голосование
На якой мове Вы размаўляеце дома:
Всего 57 человек

Статут дзяржаўнай установы адукацыі «Навучальна-педагагiчны комплекс Вензавецкі дзіцячы сад – сярэдняя школа»

Дата: 16 ноября 2017 в 07:59, Обновлено 17 декабря 2020 в 20:27

                                             

ГЛАВА 1

АГУЛЬНЫЯ ПАЛАЖЭННІ

1. Дадзены статут дзяржаўнай установы адукацыі «Навучальна-педагагічны комплекс Вензавецкі дзіцячы сад-сярэдняя школа» (далей – Статут) з'яўляецца новай рэдакцыяй Статута дзяржаўнай установы адукацыі «Навучальна-педагагічны комплекс Вензавецкі дзіцячы сад-сярэдняя школа» (далей – Установа), зарэгістраванага ў Адзіным дзяржаўным рэгістры юрыдычных асоб і індывідуальных прадпрымальнікаў за № 590846755 згодна Палажэння аб дзяржаўнай рэгістрацыі суб'ектаў гаспадарання, зацверджаным Дэкрэтам Прэзідэнта Рэспублікі Беларусь ад 16 студзеня 2009 г. № 1 «Аб дзяржаўнай рэгістрацыі і ліквідацыі (спыненні дзейнасці) суб'ектаў гаспадарання» і іншымі актамі заканадаўства.

2. Дзяржаўная ўстанова адукацыі «Навучальна-педагагічны комплекс Вензавецкі дзіцячы сад-сярэдняя школа» створана на аснове дзяржаўнай уласнасці, з'яўляецца некамерцыйнай арганізацыяй, якая фінансуецца з мясцовага бюджэту.

3. Установа ажыццяўляе сваю дзейнасць у адпаведнасці з Кодэксам Рэспублікі Беларусь аб адукацыі, Палажэннем аб установе дашкольнай адукацыі, зацверджаным Пастановай Міністэрства адукацыі Рэспублікі Беларусь ад 25 ліпеня 2011 г. № 150, іншымі актамі заканадаўства, рашэннямі Заснавальніка і гэтым Статутам.

4. Заснавальнікам Установы з'яўляецца Дзятлаўскі раённы выканаўчы камітэт (далей – Заснавальнік), размешчаны па адрасе: 231471, г. Дзятлава, вул. Леніна, д. 18.

5. Органам, упаўнаважаным кіраваць Установай, з'яўляецца аддзел адукацыі Дзятлаўскага раённага выканаўчага камітэта (далей – Упаўнаважаны орган), размешчаны па адрасе: 231471, г. Дзятлава, вул. Чапаева, 18/1.

6. Паўнамоцтвы ўласніка ў дачыненні да дзяржаўнай маёмасці, замацаванай за Установай на праве аператыўнага ўпраўлення, ажыццяўляюць Дзятлаўскі раённы Савет дэпутатаў (далей – Уласнік), Заснавальнік, Упаўнаважаны орган ў межах, устаноўленых заканадаўствам.

7. Установа з'яўляецца юрыдычнай асобай, мае ў аператыўным кіраванні адасобленую маёмасць, самастойны баланс, каштарыс, бягучы і іншыя рахункі ў банках, якія адкрываюцца ва ўстаноўленым заканадаўствам парадку, пячатку, штамп і бланкі дакументаў з выявай Дзяржаўнага герба Рэспублікі Беларусь, нясе самастойную адказнасць па сваіх абавязках, ад свайго імя набывае і ажыццяўляе маёмасныя і асабістыя немаёмасныя правы, выконвае абавязкі, з'яўляецца істцом і адказчыкам у судзе, фінансуецца са сродкаў бюджэту на аснове бюджэтнага каштарысу. Установа мае права ажыццяўляць у парадку, устаноўленым заканадаўствам і дадзеным Статутам, дзейнасць, якая прыносіць даходы (далей – пазабюджэтная дзейнасць).

8. Тып Установы – установа агульнай сярэдняй адукацыі.

Від Установы – навучальна-педагагічны комплекс.

Від Установы можа быць зменены.

9. Рашэнне аб змене віду Установы прымаецца Заснавальнікам па ўласнай ініцыятыве або па ініцыятыве Установы пры сукупнасці наступных умоў:

абгрунтавання неабходнасці змены віду Установы;

адпаведнасці Установы крытэрыям заяўленага віду;

узгаднення з Заснавальнікам.

10. Дзяржаўны кантроль за забеспячэннем якасці адукацыі ажыццяўляецца Заснавальнікам, Упаўнаважаным органам і іншымі дзяржаўнымі органамі ў адпаведнасці з заканадаўствам.

11. Поўная назва Установы:

дзяржаўная ўстанова адукацыі «Навучальна-педагагічны комплекс Вензавецкі дзіцячы сад-сярэдняя школа» на беларускай мове;

государственное учреждение образования «Учебно-педагогический комплекс Вензовецкий детский сад-средняя школа» на рускай мове.

скарочанае:

Вензавецкі дзіцячы сад-сярэдняя школа на беларускай мове;

Вензовецкий детский сад-средняя школа на рускай мове.

12. Установа адказвае па сваіх абавязках за грашовыя сродкі, якія знаходзяцца ў яе распараджэнні. Пры іх недастатковасці субсідарную адказнасць па яго абавязках нясе Уласнік яго маёмасці.

13. Установа не мае права выступаць гарантам або паручыцелем трэціх асоб недзяржаўнай формы ўласнасці (у тым ліку долі (акцыі) ў статутных фондах, якіх знаходзяцца ў дзяржаўнай уласнасці), і фізічных асоб (у тым ліку індывідуальных прадпрымальнікаў) па выкананні гэтымі асобамі сваіх абавязкаў па вяртанні крэдытаў, прадастаўленых банкамі і нябанкаўскімі арганізацыямі.

14. Ва Установе не дапускаецца стварэнне і дзейнасць палітычных партый, іншых грамадскіх аб’яднанняў, якія праследуюць палітычныя мэты, а таксама стварэнне і ананімная або іншая дзейнасць рэлігійных арганізацый, якія супярэчаць.

15. Установа ў пытаннях выхавання на падставе пісьмовых заяў вучняў (законных прадстаўнікоў непаўналетніх навучэнцаў) у пазавучэбны час можа ўзаемадзейнічаць з зарэгістраванымі рэлігійнымі арганiзацыямi з улiкам iх уплыву на фармiраванне духоўных, культурных і дзяржаўных традыцый беларускага народа.

16. Установа мае права ажыццяўляць міжнароднае супрацоўніцтва ў адпаведнасці з заканадаўствам.

17. Акрэдытацыя і пацвярджэнне акрэдытацыі Установы ажыццяўляецца ў парадку, устаноўленым актамі заканадаўства.

Статыстычная справаздачнасць Установы прадастаўляецца ў адпаведнасці з заканадаўствам.

Установа вядзе справаводства ў парадку, устаноўленым заканадаўствам.

18. Установа можа ажыццяўляць віды дзейнасці, якія падлягаюць ліцэнзаванню ў адпаведнасці з Указам Прэзідэнта Рэспублікі Беларусь ад 1 верасня 2010 г. № 450 «Аб ліцэнзаванні асобных відаў дзейнасці» толькі на падставе спецыяльнага дазволу (ліцэнзіі): ахоўная дзейнасць.

19. Месца знаходжання Установы: 231488, Рэспубліка Беларусь, Гродзенская вобласць, Дзятлаўскі раён, аг. Вензавец, вул. Цэнтральная, д. 1б.

ГЛАВА 2

МЭТЫ, ПРАДМЕТ І ЗАДАЧЫ

ДЗЕЙНАСЦІ УСТАНОВЫ

20. Установа з'яўляецца некамерцыйнай арганізацыяй, якая створана для дасягнення адукацыйных мэт, і не праследуе набыцця прыбытку ў якасці асноўнай мэты сваёй дзейнасці.

Установа выконвае адукацыйную, інтэлектуальную, сацыяльную і культурную функцыі, якія накіраваны на задавальненне інтарэсаў асобы, грамадства і дзяржавы.

21. У сваёй дзейнасці Установа кіруецца наступнымі прынцыпамі:

прыярытэт агульначалавечых каштоўнасцяў, правоў чалавека;

гуманістычны характар адукацыі;

экалагічная накіраванасць адукацыі;

свецкі характар адукацыі;

улік індывідуальных патрэбаў, здольнасцяў i запатрабаванняў навучэнцаў.

22. Мэтамі дзейнасці Установы з’яўляюцца:

забеспячэнне рознастаронняга развіцця асобы дзіцяці ранняга і дашкольнага ўзросту ў адпаведнасці з яго ўзроставымі і індывідуальнымі здольнасцямі і патрэбнасцямі;

фарміраванне ў навучэнцаў ведаў, уменняў і навыкаў;

інтэлектуальнае, маральнае, творчае і фізічнае развіццё асобы навучэнцаў;

правядзенне даследаванняў у галіне адукацыі, методыкі выкладання і выхавання.

23. Прадметам дзейнасці Установы з'яўляецца навучанне і выхаванне ў мэтах асваення навучэнцамі зместу адукацыйных праграм дашкольнай адукацыі і агульнай сярэдняй адукацыі.

24. Для выканання мэт дзейнасці Установа рэалізуе наступныя задачы:

забеспячэнне адукацыі ў адпаведнасці з адукацыйнымі стандартамі;

выяўленне і развіццё індывідуальных схільнасцей і інтэлектуальна-творчага патэнцыялу навучэнцаў;

забеспячэнне пераемнасці дашкольнай і І ступені агульнай сярэдняй адукацыі;

правядзенне навукова-метадычнай работы, накіраванай на ўдасканаленне адукацыйнага працэсу;

стварэнне спецыяльных умоў для атрымання адукацыі навучэнцамі з асаблівасцямі псіхафізічнага развіцця і аказанне ім карэкцыйна-педагагічнай дапамогі;

арганізацыя адукацыйнага і выхаваўчага працэсаў з выкарыстаннем сучасных навукова-тэхнічных сродкаў;

стварэнне ўмоў для самаразвіцця асобы навучэнцаў;

аказанне садзеяння навучэнцам ў авалодванні каштоўнасцямі і навыкамі здаровага ладу жыцця;

фарміраванне ў навучэнцаў культуры сямейных адносін, каштоўнасных адносін да сям’і, высокіх маральна-духоўных якасцей, здаровага ладу жыцця, грамадзянскасці, патрыятызму, адказнасці, любові да працы;

фарміраванне эстэтычнай і экалагічнай культуры;

маральнае выхаванне, накіраванае на далучэнне навучэнцаў да агульначалавечых і нацыянальных каштоўнасцей;

правядзенне работы па ўзаемадзеянню з другімі ўстановамі адукацыі, у тым ліку замежнымі, з мэтай выкарыстання накопленага прагрэсіўнага вопыту ў арганізацыі адукацыйнага працэсу.

25. Для дасягнення пастаўленых мэтаў Установа абавязана забяспечваць ва ўстаноўленым дзеючым заканадаўствам парадку:

якасць адукацыі;

распрацоўку і зацвярджэнне ва ўстаноўленым парадку структурных элементаў навукова-метадычнага забеспячэння адпаведнай адукацыі, яго ўдасканаленне;

падбор, прыём на працу і расстаноўку кадраў, павышэнне іх кваліфікацыі, адукацыйнага ўзроўню;

матэрыяльна-тэхнічнае забеспячэнне адукацыйнага працэсу ў адпаведнасці з устаноўленымі санітарнымі нормамі, правіламі і гігіенічнымі нарматывамі;

стварэнне бяспечных умоў пры арганізацыі адукацыйнага працэсу;

ахову здароўя вучняў, абарону іх правоў;

распрацоўку і прыняцце правіл унутранага распарадку для навучэнцаў, правіл унутранага працоўнага распарадку для работнікаў;

маральнае і матэрыяльнае стымуляванне навучэнцаў, педагагічных і іншых работнікаў Установы;

стварэнне неабходных умоў для арганізацыі падвозу, харчавання і медыцынскай дапамогі;

азнаямленне асоб (законных прадстаўнікоў непаўналетніх) пры залічэнні ва Установу з пасведчаннем аб дзяржаўнай рэгістрацыі, сапраўдным Статутам, сертыфікатамі аб дзяржаўнай акрэдытацыі, а па іх патрабаванні – і з вучэбна-праграмнай дакументацыяй.

26. Для дасягнення сваіх мэт і пастаўленых задач Установа можа ажыццяўляць віды дзейнасці ў адпаведнасці з Агульнадзяржаўным класіфікатарам Рэспублікі Беларусь АДРБ 005-2011 «Віды эканамічнай дзейнасці», зацверджаным пастановай Дзяржаўнага камітэта па стандартызацыі Рэспублікі Беларусь ад 05 снежня 2011 г. № 85.

Асноўныя віды дзейнасці:

80101 - дашкольная адукацыя;

85200 - пачатковая адукацыя;

85310 - агульная сярэдняя адукацыя, спецыяльная адукацыя (класы інтэграванага навучання);

70200  - здача ў наём уласнай нерухомай маёмасці;
82190 - дзейнасць па капіраванні, падрыхтоўцы дакументаў і іншая спецыялізаваная офісная дзейнасць;
85600 – дадатковыя адукацыйныя паслугі;
85510 – адукацыя ў галіне спорту і адпачынку;
85520 – адукацыя ў галіне культуры;
01112 – вырошчванне бульбы;
01121 – вырошчванне агародніны, насення і расады;
01192 – вырошчванне кветак;
56290 – іншыя паслугі па грамадскім харчаванні, арэнда залы;
77210 – арэнда забаўляльнага і спартыўнага абсталявання і залы;
90010 – творчая дзейнасць і забавы;
80422 – пазашкольнае выхаванне і навучанне;
92510 – дейнасць бібліятэкі і архіва;
92521 – дзейнасць музеяў;
92610 – дзейнасць спартыўных аб’ектаў;

ГЛАВА 3

СТРУКТУРА УСТАНОВЫ

27. Структура Установы фарміруецца ў адпаведнасці з заканадаўствам і дадзеным Статутам.

28. Установа мае ў сваёй структуры структурныя падраздзяленні: бібліятэку, пункт карэкцыйна-педагагічнай дапамогі, музеі.

29. Прававы статус і функцыі адасобленых і структурных падраздзяленняў Установы вызначаюцца дадзеным Статутам і адпаведнымі палажэннямі, якія зацвярджаюцца ва ўстаноўленым парадку.

ГЛАВА 4

АРГАНІЗАЦЫЯ АДУКАЦЫЙНАГА ПРАЦЭСУ.

ПРАВЫ І АБАВЯЗКІ ЎДЗЕЛЬНІКАЎ АДУКАЦЫЙНАГА ПРАЦЭСУ

30. Удзельнікамі адукацыйнага працэсу ва Установе з’яўляюцца выхаванцы і вучні (далей – навучэнцы), іх законныя прадстаўнікі, педагагічныя работнікі.

31. Арганізацыя адукацыйнага працэсу пры рэалізацыі адпаведных адукацыйных праграм ажыццяўляецца ў адпаведнасці з Кодэксам Рэспублікі Беларусь аб адукацыі, Палажэннем аб установе дашкольнай адукацыі, вучэбна-метадычнай дакументацыяй адпаведных адукацыйных праграм, індывідуальнымі планамі работы і ўключае ў сябе тэарэтычнае і практычнае навучанне, выхаваўчую работу, самастойную работу навучэнцаў, атэстацыю навучэнцаў.

32. Навучанне і выхаванне ва Установе ажыццяўляецца на рускай або беларускай мове. Вывучэнне рускай, беларускай і адной з замежных моў ва Установе з’яўляецца абавязковым. Абавязковая для вывучэння замежная мова вызначаецца Заснавальнікам Установы з улікам патрэб дзяржавы і магчымасцей Установы.

33. Ва Установу прымаюцца дзеці, якія пражываюць на тэрыторыі, замацаванай за Установай рашэннем Заснавальніка.

Дзеці, якія не пражываюць на дадзенай тэрыторыі, могуць быць прыняты ва Установу пры наяўнасці свабодных месц.

34. Прыём асобы для атрымання дашкольнай адукацыі ажыццяўляецца на працягу каляндарнага года пры наяўнасці свабодных месц і на аснове заявы законнага прадстаўніка выхаванца, медыцынскай даведкі аб стане здароўя, накіравання ва Установу для засваення зместу адукацыйнай праграмы дашкольнага выхавання, выдадзенага Упаўнаважаным органам, афармляецца загадам дырэктара Установы.

35. Атрыманне дашкольнай адукацыі ва Установе з’яўляецца бясплатным. Аказанне паслуг на платнай аснове ажыццяўляецца на падставе дагавора аб платных паслугах у сферы адукацыі.

37. Для арганізацыі навучання і выхавання па адпаведнай вучэбнай праграме, а таксама аздараўлення, навучэнцы аб’ядноўваюцца ў рознаўзроставыя групы.

Камплектаванне груп для атрымання дашкольнай адукацыі і перавод выхаванцаў з адной групы ў другую ажыццяўляецца штогод на пачатак навучальнага года.

У перыяд летніх канікул пры скарачэнні колькасці выхаванцаў дапускаецца перафарміраванне груп дашкольнай адукацыі, у тым ліку ў рознаўзроставыя групы, або іх закрыццё.

38. Ва Установе могуць функцыянаваць групы кароткачасовага знаходжання (адаптацыйная група, сезонныя і гульнявыя пляцоўкі і інш.) па гібкаму рэжыму з улікам графіка работы законных прадстаўнікоў выхаванцаў.

У групах кароткачасовага знаходжання магчыма сумеснае знаходжанне выхаванцаў і іх законных прадстаўнікоў.

39. Арганізацыя адукацыйнага працэсу ва Установе ажыццяўляецца ў адпаведнасці з патрабаваннямі вучэбна-праграмнай дакументацыі адукацыйнай праграмы дашкольнай адукацыі і агульнай сярэдняй адукацыі, адукацыйнага стандарта.

40. Адукацыйны працэс пры рэалізацыі адукацыйнай праграмы дашкольнай адукацыі ажыццяўляецца ў групах або індывідуальна і забяспечвае стварэнне станоўчага эмацыянальна-псіхалагічнага клімату, які максімальна ўлічвае індывідуальныя асаблівасці і магчымасці выхаванцаў.

У рознаўзроставых групах арганізацыя адукацыйнага працэсу ажыццяўляецца дыферэнцыравана ў залежнасці ад узросту выхаванцаў.

41. Адукацыйны працэс выхаванцаў арганізуецца ў рэжыме пяцідзённага рабочага тыдня. Асноўнымі формамі арганізацыі адукацыйнага працэсу з’яўляюцца занятак і гульня. Могуць выкарыстоўвацца і іншыя формы: экскурсія, назіранне, калектыўная праца і іншыя.

Штодзённая колькасць заняткаў і гульняў у кожнай узроставай групе і іх паслядоўнасць вызначаюцца вучэбным планам Установы.

42. У выпадку ненаведвання выхаванцам Установы па ўважлівай прычыне месца за ім захоўваецца на працягу шасці месяцаў.

У іншых выпадках, не прадугледжаных заканадаўствам, рашэнне аб захаванні месца прымаецца аддзелам адукацыі Дзятлаўскага райвыканкама.

43. Адукацыйны працэс арганізуецца па навучальных гадах. Навучальны год дзеліцца на чвэрці.

Працяг навучальнага года ўстанаўліваецца з 1 верасня па 31 мая. Вучэбны год дашкольнай адукацыі з 1 верасня па 31 жніўня. Калі ўказаныя даты прыходзяцца на нерабочы дзень, то пачатак (заканчэнне) навучальнага года пераносіцца на наступны (папярэдні) рабочы дзень.

Для навучэнцаў устанаўліваюцца канікулы на працягу навучальнага года і летнія канікулы.

Агульная працягласць канікул на працягу навучальнага года павінна быць не менш трыццаці каляндарных дзён, для навучэнцаў I і II класаў – не менш трыццаці сямі каляндарных дзён.

Працягласць летніх канікул павінна быць не менш 12 каляндарных тыдняў, а для навучэнцаў IX класаў – не менш 10 каляндарных тыдняў.

Для навучэнцаў I-II класаў ў ІІІ чвэрці ўстанаўліваюцца дадатковыя канікулы. Працягласць канікул для навучэнцаў дашкольнай адукацыі: зімовыя – 10 дзён, вясеннія – 10 дзён, летнія – 92 дні. Тэрміны пачатку, заканчэння і працягласць канікул вызначаюцца вучэбнымі планамі на бягучы год, зацверджанымі Міністэрствам адукацыі Рэспублікі Беларусь.

44. Адукацыйны працэс пры навучанні і выхаванні на І, ІІ і III ступенях агульнай сярэдняй адукацыі арганізуецца ў рэжыме шасцідзённага школьнага тыдня, які ўключае пяцідзённы вучэбны тыдзень і адзін дзень тыдня для правядзення з навучэнцамі спартыўна-масавых, фізкультурна-аздараўленчых, іншых выхаваўчых мерапрыемстваў, арганізацыі працоўнага навучання.

45. Вывучэнне вучэбных прадметаў пры асваенні зместу адукацыйных праграм агульнай сярэдняй адукацыі ажыццяўляецца на базавым узроўні.

46. Асноўнай формай арганізацыі адукацыйнага працэсу з’яўляецца вучэбны занятак: урок, назіранне, экскурсія і іншы занятак.

Дадаткова праводзяцца факультатыўныя, стымулюючыя, падтрымліваючыя заняткі, кансультацыі.

47. Факультатыўныя заняткі могуць быць прырода-матэматычнай, гуманітарнай, грамадазнаўчай, экалагічнай, ваенна-патрыятычнай, музычнай, харэаграфічнай, мастацкай, тэатральнай, спартыўнай і іншай накіраванасці.

Факультатыўныя заняткі могуць праводзіцца да ці пасля заканчэння вучэбных заняткаў. Факультатыўныя заняткі ў IX-XI класах могуць праводзіцца ў шосты школьны дзень.

48. На III ступені агульнай сярэдняй адукацыі ва Установе можа быць уведзена профільнае навучанне, якое прадугледжвае вывучэнне асобных вучэбных прадметаў на павышаным узроўні і правядзенне факультатыўных заняткаў прафесійнай накіраванасці (прафесійна арыентаваных курсаў) для арыентацыі на атрыманне педагагічных, ваенных i iншых спецыяльнасцей.

49. Адкрыццё класа можа ажыццяўляцца пры наяўнасці аднаго вучня.

50. Класы могуць дзяліцца на групы ў выпадках і парадку, якія вызначаюцца палажэннем аб установе агульнай сярэдняй адукацыі.

51. Для аказання дапамогі сям'і ў навучанні і выхаванні вучняў, стварэння ўмоў для развіцця іх творчых здольнасцей ва Установе могуць адкрывацца групы падоўжанага дня, палажэнне аб якіх зацвярджаецца Міністэрствам адукацыі Рэспублікі Беларусь.

52. Установа стварае неабходныя ўмовы для харчавання навучэнцаў. Арганізацыя харчавання навучэнцаў ажыццяўляецца ў адпаведнасці з заканадаўствам.

53. Харчаванне арганізуецца ў адпаведнасці з патрабаваннямі санітарных нормаў, правілаў і гігіенічных нарматываў па ўстаноўленых нормах харчавання і грашовых нормаў расходаў на харчаванне для адпаведных катэгорый навучэнцаў. Пры неабходнасці арганізуецца дыетычнае (ашчаджальнае) харчаванне. Нормы харчавання, грашовыя нормы расходаў на харчаванне зацвярджаюцца Урадам Рэспублікі Беларусь або ўпаўнаважаным iм органам.

54. Установа адукацыі забяспечвае ахову здароўя навучэнцаў.
Медыцынскае абслугоўванне ва Установе ажыццяўляецца медыцынскім персаналам установы аховы здароўя «Вензавецкі фельчарска-акушэрскі пункт».

Установа прадастаўляе памяшкання, стварае ўмовы працы медыцынскаму персаналу.

55. У адпаведнасці з Кодэксам аб адукацыі, Палажэннем аб выхаваўча-аздараўленчай установе адукацыі зацверджаным пастановай Міністэрства адукацыі Рэспублікі Беларусь ад 19 ліпеня 2011 г. № 89, іншымі актамі заканадаўства Рэспублікі Беларусь на перыяд канікул ва Установе ствараецца і функцыянуе аздараўленчы лагер.

Асноўнымі задачамі лагера з'яўляюцца:

умацаванне здароўя дзяцей;

фарміраванне навыкаў здаровага ладу жыцця і свядомых адносін да свайго здароўя і навакольнага асяроддзя;

фарміраванне адаптацыйных навыкаў і падрыхтоўка да жыцця ў грамадстве;

развіццё інтэлектуальнага, духоўнага патэнцыялу, творчых здольнасцей і інтарэсаў дзяцей, актыўнае далучэнне да розных відаў дзейнасці.

Для прыняцця дзіцяці ў лагер законныя прадстаўнікі пішуць заяву на імя дырэктара Установы.

Залічэнне дзяцей у лагер ажыццяўляецца на падставе загаду дырэктара Установы.

56. У I клас прымаюцца асобы, якім на 1 верасня адпаведнага навучальнага года спаўняецца шэсць і больш гадоў. Па жаданні аднаго з законных прадстаўнікоў дзіцяці дапускаецца прыём у I клас асобы, якім на 1 верасня адпаведнага навучальнага года не споўнілася шэсць гадоў у адпаведнасці з дзеючым заканадаўствам.

Залічэнне дзяцей афармляецца загадам дырэктара Установы адукацыі на падставе заявы законных прадстаўнікоў дзяцей, медыцынскай даведкі аб стане здароўя і пасведчання аб нараджэнні навучэнца, копіі пашпарта (старонка аб рэгістрацыі) аднаго з законных прадстаўнікоў.

57. Прыём асобы для атрымання агульнай базавай адукацыі ажыццяўляецца на падставе заявы законнага прадстаўніка навучэнца, копіі пашпарта (старонка аб рэгістрацыі), пасведчання аб нараджэнні навучэнца, медыцынскай даведкі аб стане здароўя.

58. Для атрымання агульнай сярэдняй адукацыі − заяву навучэнца, пасведчанне аб агульнай базавай адукацыі, пасведчання асобы, медыцынскай даведкі аб стане здароўя. Ад імя непаўналетняга заява можа быць пададзена яго законным прадстаўніком.

59. Парадак пераводу вучняў у наступны клас ажыццяўляецца на падставе пастановы Міністэрства адукацыі Рэспублікі Беларусь ад 20 чэрвеня 2011 г. № 38 «Аб зацвярджэнні Правілаў правядзення атэстацыі вучняў пры засваенні зместу адукацыйных праграм агульнай сярэдняй адукацыі і прызнанні страціўшымі сілу некаторых пастаноў Міністэрства адукацыі Рэспублікі Беларусь».

60. Установа адукацыі не мае права перашкаджаць пераводу (пераходу) вучня ў іншую ўстанову адукацыі, калі на гэта маецца згода апошняга.

61. Ва Установу, пры прадстаўленні даведкі ўстаноўленага ўзору, могуць быць прыняты вучні, якія на працягу навучальнага года або па яго выніках былі адлічаны або спынілі навучанне ва ўстановах, якія забяспечваюць атрыманне прафесійна-тэхнічнай або сярэдняй спецыяльнай адукацыі. У гэтым выпадку яны працягваюць навучанне ў адпаведным класе ўстановы і здаюць выпускныя экзамены на III ступені агульнай сярэдняй адукацыі.

62. Адукацыйны працэс пры рэалізацыі адукацыйнай праграмы дадатковай адукацыі дзяцей і моладзі арганізуецца па навучальных гадах.

63. Асноўнай формай арганізацыі адукацыйнага працэсу пры рэалізацыі адукацыйнай праграмы дадатковай адукацыі дзяцей і моладзі з’яўляецца занятак (урок).

64. Адукацыйны працэс пры рэалізацыі адукацыйнай праграмы дадатковай адукацыі дзяцей і моладзі ажыццяўляецца ў аб’яднаннях па інтарэсах або індывідуальна.

Аб’яднанне па інтарэсах ствараецца з ліку дзяцей і моладзі на аснове агульнага інтарэсу да канкрэтнага напрамку дзейнасці. Да аб’яднанняў па інтарэсах адносяцца гурток, клуб, секцыя, студыя, майстэрня, навуковае таварыства навучэнцаў і іншыя аб’яднанні. Аб’яднанні па інтарэсах могуць быць аднаўзроставымі або рознаўзроставымі.

Аб’яднанні па інтарэсах могуць стварацца для работы з пераменным складам навучэнцаў.

Напаўняльнасць аб’яднання па інтарэсах складае не менш 8 навучэнцаў. Заснавальнік Установы можа ўстанаўліваць меншую напаўняльнасць аб’яднання па інтарэсах.

65. Арганізацыя адукацыйнага працэсу ва Установе ажыццяўляецца ў адпаведнасці з адукацыйнымі стандартамі, а таксама тыпавым вучэбным планам і вучэбнымі праграмамі, распрацаванымі і зацверджанымі Міністэрствам адукацыі Рэспублікі Беларусь.

Штогод на аснове тыпавога вучэбнага плана, зацверджанага Міністэрствам адукацыі Рэспублікі Беларусь, Установа распрацоўвае вучэбны план Установы адукацыі, які зацвярджаецца дырэктарам па ўзгадненню з Упаўнаважаным органам.

66. Ва Установе адукацыі могуць стварацца класы інтэграванага навучання і выхавання.

Перавод (накіраванне) навучэнцаў з асаблівасцямі псіхафізічнага развіцця ва ўстановы спецыяльнай адукацыі, інтэграваныя класы ажыццяўляецца са згоды іх законных прадстаўнікоў на падставе заключэння цэнтра карэкцыйна-развіваючага навучання і рэабілітацыі па накіраванню Упаўнаважанага органа.

67. Карэкцыйна-педагагічная дапамога навучэнцам з асаблівасцямі псіхафізічнага развіцця аказваецца таксама ў пункце карэкцыйна-педагагічнай дапамогі, арганізацыя і функцыянаванне якога ажыццяўляецца ў адпаведнасці з Палажэннем аб пункце карэкцыйна-педагагічнай дапамогі, зацверджаным Міністэрствам адукацыі Рэспублікі Беларусь.

68. Парадак арганізацыі атрымання агульнай сярэдняй адукацыі на даму вызначаецца Міністэрствам адукацыі Рэспублікі Беларусь па ўзгадненню з Міністэрствам аховы здароўя Рэспублікі Беларусь.

69. Навучэнцы, за выключэннем экстэрнаў, праходзяць бягучую, прамежкавую і выніковую атэстацыю.

Парадак атэстацыі ў парадку экстэрната вызначаецца Міністэрствам адукацыі Рэспублікі Беларусь.

Атэстацыя навучэнцаў ажыццяўляецца ў адпаведнасці з нормамі ацэнкі вынікаў вучэбнай дзейнасці па кожнаму вучэбнаму прадмету, якія зацвярджаюцца Міністэрствам адукацыі Рэспублікі Беларусь.

Бягучая атэстацыя праводзіцца на вучэбных занятках з выстаўленнем адзнак.

Прамежкавая атэстацыя выражаецца ў выстаўленні адзнак за чвэрць з улікам вынікаў бягучай атэстацыі.

Бягучая і прамежкавая атэстацыя навучэнцаў І і ІІ класаў ажыццяўляецца на змястоўна-ацэначнай аснове, якая прадугледжвае славесную ацэнку вынікаў вучэбнай дзейнасці навучэнцаў, без выстаўлення адзнак.

Вынікі бягучай і прамежкавай атэстацыі навучэнцаў, за выключэннем навучэнцаў І і ІІ класаў, ацэньваюцца адзнакамі ў балах па дзесяцібальнай шкале, у тым ліку адзнакай 0 (нуль) балаў, або адзнакамі «залічана», «не залічана», «не атэставаны (а)» або робяцца запісы «вызвалены (а)», «не вывучаў (ла)». Станоўчымі з’яўляюцца адзнакі ад 1 (аднаго) да 10 (дзесяці) балаў, «залічана» і запісы «вызвалены (а)», «не вывучаў (ла)».

Пры правядзенні прамежкавай і выніковай атэстацыі ажыццяўляецца ацэнка паводзін навучэнцаў, якая выражаецца наступнымі характарыстыкамі: «прыкладныя», «здавальняючыя», «нездавальняючыя». Крытэрыі ацэнкі паводзін навучэнцаў вызначаюцца Міністэрствам адукацыі Рэспублікі Беларусь.

Выніковая атэстацыя праводзіцца па завяршэнні навучальнага года, навучання і выхавання на ІІ і III ступенях агульнай сярэдняй адукацыі.

Выніковая атэстацыя па завяршэнні навучальнага года выражаецца ў выстаўленні адзнак за год (гадавых адзнак) з улікам прамежкавай атэстацыі ў бягучым навучальным годзе.

Выніковая атэстацыя па завяршэнні навучання і выхавання на ІІ і III ступенях агульнай сярэдняй адукацыі выражаецца ў выстаўленні выніковых адзнак па вучэбных прадметах, па якіх праводзяцца выпускныя экзамены, з улікам гадавой і экзаменацыйнай адзнак.

Пералік вучэбных прадметаў, па якіх праводзяцца выпускныя экзамены, формы правядзення выпускных экзаменаў штогод да пачатку навучальнага года ўстанаўліваюцца Міністэрствам адукацыі Рэспублікі Беларусь.

Навучэнцы па медыцынскіх і іншых паказчыках могуць быць вызвалены ад выпускных экзаменаў. Пералік хвароб, якія з’яўляюцца медыцынскай падставай для вызвалення навучэнцаў ад выпускных экзаменаў, вызначаецца Міністэрствам аховы здароўя Рэспублікі Беларусь. Іншыя падставы вызвалення вучняў ад выпускных экзаменаў устанаўліваюцца Міністэрствам адукацыі Рэспублікі Беларусь. У выпадку вызвалення навучэнцаў ад выпускных экзаменаў выніковая атэстацыя ажыццяўляецца на падставе гадавых адзнак.

Да выніковай атэстацыі дапускаюцца навучэнцы, якія выканалі вучэбныя планы і вучэбныя праграмы.

Вынікі выніковай атэстацыі навучэнцаў ацэньваюцца адзнакамі ў балах па дзесяцібальнай шкале, у тым ліку адзнакай 0 (нуль) балаў, або адзнакамі «залічана», «не залічана», «не атэставаны (а)» або робяцца запісы «вызвалены (а)», «не вывучаў (ла)». Станоўчымі з’яўляюцца адзнакі ад 1 (аднаго) да 10 (дзесяці) балаў, «залічана» і запісы «вызвалены (а)», «не вывучаў (ла)».

Навучэнцам, якія не прайшлі выніковую атэстацыю ва ўстаноўлены тэрмін па ўважлівай прычыне, прадастаўляецца права праходжання выніковай атэстацыі ў іншы тэрмін.

Навучэнцам, якія не прайшлі выніковую атэстацыю ва ўстаноўлены тэрмін без уважлівых прычын або атрымаўшых па яе выніках адзнакі 0 (нуль) балаў, «не залічана», «не атэставаны (а)», прадастаўляецца права праходжання выніковай атэстацыі ў другі тэрмін.

Парадак правядзення выніковай атэстацыі навучэнцаў пры засваенні зместу адукацыйных праграм агульнай сярэдняй адукацыі вызначаецца Правіламі правядзення атэстацыі навучэнцаў пры засваенні зместу адукацыйных праграм агульнай сярэдняй адукацыі.

70. Навучэнцам, якія паспяхова завяршылі агульную базавую адукацыю, выдаецца пасведчанне аб агульнай базавай адукацыі, а навучэнцам, якія дабіліся асаблівых поспехаў у вучобе пры прыкладных паводзінах, – пасведчанне з адзнакай.

Выпускнікам Установы, якія засвоілі вучэбныя праграмы агульнай сярэдняй адукацыі, выдаецца атэстат аб агульнай сярэдняй адукацыі.

Выпускнікі Установы за выдатныя поспехі ў вучобе і прыкладныя паводзіны ўзнагароджваюцца залатымі, сярэбранымі медалямі з уручэннем атэстата асобага ўзору, а за асаблівыя поспехі ў вывучэнні асобных прадметаў – пахвальнымі лістамі Міністэрства адукацыі Рэспублікі Беларусь.

71. Навучэнцам, якія не завяршылі асваенне зместу адукацыйных праграм, выдаецца даведка аб навучанні.

72. Ва Установу адукацыі, пры прадстаўленні даведкі ўстаноўленага ўзору, могуць быць прыняты вучні, якія на працягу навучальнага года або па яго выніках былі адлічаны або спынілі навучанне ва ўстановах, якія забяспечваюць атрыманне прафесійна-тэхнічнай або сярэдняй спецыяльнай адукацыі. У гэтым выпадку яны працягваюць навучанне ў адпаведным класе ўстановы і здаюць выпускныя экзамены на III ступені агульнай сярэдняй адукацыі.

73. Узоры, апісанне дакументаў аб адукацыі і навучанні, парадак  іх запаўнення і ўліку і выдачы зацвярджаюцца Урадам Рэспублікі Беларусь.

У выпадку страты, прывядзення ў нягоднасць дакумента аб адукацыі (дакумента аб навучанні) выдаецца яго дублікат.

Дублікат дакумента аб адукацыі (дакумента аб навучанні) мае сілу дакумента аб адукацыі (дадатка да яго, дакумента аб навучанні). Парадак выдачы дакумента аб адукацыі (дакумента аб навучанні) вызначаецца Прэзідэнтам Рэспублікі Беларусь.

74. Пры арганізацыі выхаваўчага працэсу Установа кіруецца Канцэпцыяй неперарыўнага выхавання дзяцей і навучэнскай моладзі, распрацаванай і зацверджанай Міністэрствам адукацыі Рэспублікі Беларусь.

75. Праграма выхаваўчай работы Установы распрацоўваецца на падставе адпаведнай комплекснай праграмы выхавання дзяцей і навучэнскай моладзі, вызначае мэты, задачы, асноўныя накірункі, формы і метады выхавання навучэнцаў з улікам асаблівасцей, патрэб і інтарэсаў навучэнцаў і выхаванцаў ва Установе і зацвярджаецца кіраўніком.

Установа мае самастойнасць у ажыццяўленні адукацыйнай, навуковай, навукова-тэхнічнай дзейнасці, дзейнасці па навукова-метадычнаму забеспячэнню адукацыі, падбору і растаноўцы кадраў і іншай дзейнасці ў межах, устаноўленых заканадаўствам.

76. Ва Установе можа стварацца і функцыянаваць Школьная бізнес-кампанія.

Школьная бізнес-кампанія (далей школьная кампанія) гэта структурнае падраздзяленне Установы, якое ствараецца з мэтай атрымання навучэнцамі практычных навыкаў па асновах прадпрымальніцтва і кіравання і накіраванае на развіццё эканамічнай адукацыі і моладзевага прадпрымальніцтва, а таксама якое спрыяе прафесійнаму самавызначэнню навучэнцаў.

77. Школьная кампанія ствараецца з мэтай:

садзеяння арганізацыі практычнага навучання асновам прадпрымальніцкай дзейнасці вучняў;

адпрацоўкі ўсіх этапаў функцыянавання прадпрыемства ў рэальных эканамічных умовах з наступным правядзеннем аналізу розных аспектаў гаспадарчай дзейнасці прадпрыемства, яго эканамічнай самастойнасці, эфектыўнай арганізацыі вытворчасці;

развіцця арганізацыйных навыкаў і псіхалагічнай гатоўнасці вучнёўскай моладзі прыступіць да працы пасля заканчэння Установы.

78. Задачы праграмы:

даць магчымасць навучэнцам атрымаць у ходзе адукацыйнага працэсу практычны вопыт у галіне прадпрымальніцтва і менеджменту;

удзельнічаючы ў кіраванні школьным прадпрыемствам, праявіць ініцыятыву і вынаходлівасць у рэалізацыі практычных праектаў, бізнес-планаў.

79. Школьная кампанія ствараецца па рашэнню савета Установы і дзейнічае ў адпаведнасці са Статутам і Палажэннем аб школьнай бізнес-кампаніі Установы, зацверджаным кіраўніком Установы і ўзгодненым з Упаўнаважаным органам.

80. Непасрэднае стварэнне Школьнай кампаніі, яе дзейнасць ажыццяўляецца на базе Установы. У кампетэнцыю Установы ўваходзіць рашэнне аб стварэнні Школьнай кампаніі, стварэнне спрыяльнага рэжыму для яе дзейнасці, арганізацыя ўзаемадзеяння з Упаўнаважаным органам, каардынацыю адукацыйнага працэсу ў рамках Школьнай кампаніі і Установы ў цэлым.

81. Агульнае кіраўніцтва Школьнай кампаніяй ажыццяўляе яе кіраўнік, які прызначаны загадам дырэктара Установы.

Іншыя кіруючыя пасады ў Школьнай кампаніі займаюць толькі навучэнцы.

82. Склад Школьнай кампаніі зацвярджаецца загадам дырэктара Установы. Навучэнец можа выйсці з яе складу на падставе заявы аднаго з законных прадстаўнікоў. Дырэктар Установы выдае загад аб выключэнні навучэнца са складу Школьнай кампаніі.

Парадак працаўладкавання ўдзельнікаў Школьнай кампаніі вызначаны дырэктарам Установы па ўзгадненні з Заснавальнікам Установы.

83. Прававой асновай функцыянавання Школьнай кампаніі з'яўляецца:

83.1. Грамадзянскі кодэкс Рэспублікі Беларусь;

83.2 Кодэкс Рэспублікі Беларусь аб адукацыі.

84. Абавязковымі ўмовамі стварэння Школьнай кампаніі з'яўляецца:

84.1. наяўнасць рашэння савета Установы аб стварэнні Школьнай кампаніі;

84.2. наяўнасць Палажэння аб Школьнай кампаніі, разгледжанага на пасяджэнні савета Установы, зацверджанага дырэктарам Установы адукацыі і ўзгодненага з Упаўнаважаным органам, Заснавальнікам Установы;

84.3. наяўнасць бізнес-плана дзейнасці Школьнай кампаніі, распрацаванага пры непасрэдным удзеле кіраўніка Школьнай кампаніі, разгледжанага на пасяджэнні савета Установы і зацверджанага загадам дырэктара Установы;

84.4 наяўнасць кіраўніка Школьнай кампаніі з мэтай выканання кантрольных функцый і аказання дапамогі яе ўдзельнікам.

85. Спыненне дзейнасці Школьнай кампаніі ажыццяўляецца на падставе рашэння савета Установы па ўзгадненні з Упаўнаважаным органам.

86. Установа ў адпаведнасці з заканадаўствам мае права:

ажыццяўляць адукацыйную дзейнасць;

фарміраваць структуру і штатны расклад Установы;

ажыццяўляць дзейнасць, якая прыносіць даход;

удзельнічаць у навуковай, навукова-тэхнічнай, эксперыментальнай і інавацыйнай дзейнасці, дзейнасці па навукова-метадычнаму забеспячэнню адукацыі;

уваходзіць у склад асацыяцый (саюзаў) і іншых аб’яднанняў некамерцыйных арганізацый;

ажыццяўляць міжнароднае супрацоўніцтва ў сферы адукацыі;

Іншыя правы Установы ўстанаўліваюцца дзеючым заканадаўствам, дадзеным Статутам.

87. Установа абавязана забяспечваць:

якасць адукацыі;

падбор, прыём на работу і расстаноўку кадраў, павышэнне іх кваліфікацыі;

матэрыяльна-тэхнічнае забеспячэнне адукацыйнага працэсу ў адпаведнасці з устаноўленымі санітарнымі нормамі, правіламі і гігіенічнымі нарматывамі;

стварэнне бяспечных умоў пры арганізацыі адукацыйнага працэсу;

распрацоўку і прыняцце правіл унутранага распарадку для навучэнцаў, правіл унутранага працоўнага распарадку Установы;

маральнае і матэрыяльнае стымуляванне навучэнцаў, педагагічных і іншых работнікаў Установы;

меры сацыяльнай абароны навучэнцаў;

азнаямленне асоб (законных прадстаўнікоў) пры залічэнні ва Установу з пасведчаннем аб дзяржаўнай рэгістрацыі, дадзеным Статутам, спецыяльным дазволам (ліцэнзіяй) на адукацыйную дзейнасць, сертыфікатам аб дзяржаўнай рэгістрацыі, а па іх патрабаванню – і з вучэбна-праграмнай дакументацыяй;

садзейнічанне ўпаўнаважаным дзяржаўным органам у правядзенні кантролю за забеспячэннем якасці адукацыі.

Іншыя абавязкі Установы ўстанаўліваюцца дзеючым заканадаўствам і дадзеным Статутам.

88. Навучэнцы адлічваюцца з Установы:

у сувязі з заканчэннем навучання;

у сувязі з пераводам у другія ўстановы агульнай сярэдняй адукацыі;

за доўгатэрміновую адсутнасць (больш 30 дзён) без уважлівых прычын  на вучэбных занятках на працягу навучальнага года;

за сістэматычнае (паўторнае на працягу навучальнага года) невыкананне або неналежнае выкананне абавязкаў навучэнцам, калі да яго раней прымяняліся меры дысцыплінарнага спагнання.

Рашэнне аб адлічэнні навучэнцаў з Установы прымаецца педагагічным саветам Установы.

89. Установа не мае права перашкаджаць пераводу навучэнца ў другую ўстанову адукацыі.

Пры гэтым законны прадстаўнік навучэнца падае на імя кіраўніка Установы заяву, у якой указвае прычыну пераводу.

Перавод ажыццяўляецца па пісьмовай згодзе кіраўніка той установы, у якую пераводзіцца навучэнец, і афармляецца загадам дырэктара Установы.

90. Навучэнцы маюць права на:

атрыманне бясплатнай дашкольнай, агульнай сярэдняй адукацыі, спецыяльнай адукацыі, дадатковай адукацыі дзяцей і моладзі за кошт сродкаў рэспубліканскага і (або) мясцовых бюджэтаў у парадку, прадугледжаным заканадаўствам;

адукацыю ў адпаведнасці з адукацыйнымі стандартамі і адукацыйнымі праграмамі дашкольнай, агульнай сярэдняй, дадатковай адукацыі дзяцей і моладзі, спецыяльнай адукацыі;

выбар факультатыўных заняткаў у межах устаноўленай тыпавым вучэбным планам колькасці гадзін факультатыўных заняткаў;

навучанне па індывідуальнаму вучэбнаму плану ў межах зместу адукацыйнай праграмы;

ахову свайго жыцця і здароўя ў ходзе адукацыйнага працэсу;

стварэнне спецыяльных умоў для атрымання адукацыі з улікам асаблівасцей псіхафізічнага развіцця;

атрыманне сацыяльна-педагагічнай і псіхалагічнай дапамогі з боку спецыялістаў Установы;

бясплатную карэкцыю фізічных і (або) псіхічных парушэнняў;

забеспячэнне падручнікамі і вучэбнымі дапаможнікамі ў парадку, прадугледжаным Урадам Рэспублікі Беларусь;

бясплатнае карыстанне рэсурсамі бібліятэкі, вучэбнай, фізкультурна-спартыўнай базай Установы;

своечасовае атрыманне інфармацыі аб ацэнцы вынікаў уласнай вучэбнай дзейнасці, тэрмінах атэстацыі;

заахвочванне за поспехі ў вучэбнай, даследчай, спартыўна-масавай, творчай, грамадскай дзейнасці;

удзел у кіраванні Установай праз органы самакіравання;

удзел у моладзевых і дзіцячых грамадскіх аб’яднаннях, дзейнасць якіх не супярэчыць заканадаўству;

удзел у алімпіядах, конкурсах, турнірах, фестывалях, канферэнцыях, семінарах і другіх адукацыйных мерапрыемствах, спартыўна-масавай, грамадскай, эксперыментальнай, інавацыйнай дзейнасці;

атрыманне харчавання ва Установе ў парадку і на ўмовах, якія вызначаюцца Урадам Рэспублікі Беларусь;

канікулы;

абарону сваіх правоў, гонару і годнасці ў працэсе атрымання адукацыі;

арганізацыю падвозу ў адпаведнасці з заканадаўчымі актамі.

Іншыя правы навучэнцаў устанаўліваюцца дзеючым заканадаўствам, лакальнымі нарматыўнымі прававымі актамі Установы.

91. Навучэнцы абавязаны:

добрасумленна і адказна адносіцца да асваення зместу адукацыйных праграм, праграмы выхавання;

клапаціцца аб сваім здароўі, імкнуцца да маральнага, духоўнага і фізічнага развіцця і самаўдасканалення;

выконваць патрабаванні ўстаноўчых дакументаў, правіл унутранага распарадку для навучэнцаў;

паважаць гонар і годнасць другіх удзельнікаў адукацыйнага працэсу;

не дапускаць нанясення шкоды свайму здароўю і здароўю іншых асоб;

быць дысцыплінаваным, клапаціцца аб рэпутацыі Установы, падтрымліваць традыцыі, дастойна сябе весці ва Установе і за яе межамі;

захоўваць класічны, дзелавы стыль адзення;

падпарадкоўвацца рашэнням органаў кіравання і самакіравання Установы, якія прыняты ў межах іх кампетэнцыі і не супярэчаць заканадаўству;

выконваць патрабаванні педагагічных і іншых работнікаў Установы ў межах, аднесеных Статутам і правіламі ўнутранага распарадку Установы да іх кампетэнцыі;

абавязкова наведваць вучэбныя заняткі па раскладу, агульныя і класныя сходы, пазакласныя мерапрыемствы;

беражліва адносіцца да маёмасці Установы;

удзельнічаць у грамадска-карыснай працы, работах па самаабслугоўванні;

ставіць прылады мабільнай сувязі (інтэрнэт-сувязі) у рэжым вібравыкліку або бясшумнага рэжыму, падчас правядзення вучэбных, факультатыўных, стымулюючых, падтрымліваючых заняткаў, аб'яднанняў па інтарэсах, пазакласных мерапрыемстваў прылады мабільнай сувязі (інтэрнэт-сувязі) павінны знаходзіцца ў абазначанай скрынцы ў стане бясшумнага рэжыму, у адведзеным для гэтага месцы.

92. За парушэнне Статута і правіл унутранага распарадку Установы навучэнец можа быць прыцягнуты да дысцыплінарнай адказнасці. Падставамі для прыцягнення навучэнца да дысцыплінарнай адказнасці з’яўляюцца супрацьпраўнае, віноўнае (наўмыснае або па неасцярожнасці) невыкананне або неналежнае выкананне абавязкаў, ускладзеных на яго актамі заканадаўства, устаноўчымі дакументамі і іншымі лакальнымі нарматыўнымі прававымі актамі Установы ў выглядзе наступных дзеянняў (бяздзеяння):

спазненне або нез’яўленне без уважлівых прычын на вучэбныя заняткі;

парушэнне дысцыпліны ў ходзе адукацыйнага працэсу;

невыкананне без уважлівых прычын законных патрабаванняў педагагічнага работніка;

знявага ўдзельнікаў адукацыйнага працэсу;

распаўсюджванне інфармацыі, якая наносіць шкоду навучэнцам;

порчы будынкаў, збудаванняў, абсталявання ці іншай маёмасці Установы;

невыкананне (парушэнне) патрабаванняў заканадаўства аб ахове здароўя, пажарнай бяспекі;

распіцця алкагольных і слабаалкагольных напояў, ужыванне наркатычных сродкаў, псіхатропных, таксічных і другіх адурманьваючых рэчываў у будынках і на іншай тэрыторыі Установы або з’яўлення ва ўказаных месцах у стане алкагольнага, наркатычнага або таксічнага ап’янення;

курэння (ужывання) табачных вырабаў у памяшканнях і на іншай тэрыторыі Установы;

іншых супрацьпраўных дзеянняў (бяздзеяння).

93. Не прызнаецца дысцыплінарным праступкам дзеянне, здзейсненае навучэнцам з ліку асоб з цяжкімі і (або) множнымі фізічнымі і (або) псіхічнымі парушэннямі.

94. За здзяйсненне навучэнцам дысцыплінарнага праступка ўстанаўліваецца дысцыплінарная адказнасць, якая выражаецца ў прымяненні да яго наступных мер дысцыплінарнага спагнання:

заўвага;

вымова;

адлічэнне.

Да дысцыплінарнай адказнасці прыцягваецца навучэнец, які да моманту здзяйснення дысцыплінарнага праступка дасягнуў узросту 14 гадоў, а навучэнец з ліку асоб з асаблівасцямі псіхафізічнага развіцця – 17 гадоў.

95. Адлічэнне як мера дысцыплінарнай адказнасці можа быць прыменена за:

працяглую адсутнасць (больш 30 дзён) без уважлівых прычын на вучэбных занятках на працягу навучальнага года;

сістэматычнае (паўторнае на працягу навучальнага года) невыкананне або неналежнае выкананне абавязкаў навучэнца, калі да яго раней прымяняліся меры дысцыплінарнага спагнання.

96. Адлічэнне як мера дысцыплінарнага спагнання не прымяняецца да навучэнца, які не завяршыў асваенне зместу адукацыйнай праграмы базавай адукацыі, адукацыйнай праграмы спецыяльнай адукацыі на ўзроўні агульнай сярэдняй адукацыі, для асоб з інтэлектуальнай недастатковасцю, якія не прайшлі выніковую атэстацыю за перыяд атрымання агульнай базавай адукацыі пры асваенні зместу адукацыйнай праграмы спецыяльнай адукацыі на ўзроўні агульнай сярэдняй адукацыі, навучэнцу, які не дасягнуў узросту 16 гадоў.

93. Права выбару меры дысцыплінарнага спагнання належыць дырэктару Установы.

Звесткі аб прымяненні меры дысцыплінарнага спагнання даводзяцца да законных прадстаўнікоў навучэнцаў і заносяцца ў асабовую справу навучэнца.

Парадак прымянення мер дысцыплінарнага спагнання, абскарджання рашэння аб прымяненні меры дысцыплінарнага спагнання да навучэнца, парадак зняцця і пагашэння мер дысцыплінарнага спагнання вызначаецца згодна дзеючаму заканадаўству.

97. Педагагічнымі работнікамі прызнаюцца асобы, якія ажыццяўляюць педагагічную дзейнасць. Асноўныя патрабаванні, якія прад’яўляюцца да педагагічных работнікаў, вызначаюцца кваліфікацыйнымі характарыстыкамі, якія зацвярджаюцца ва ўстаноўленым заканадаўствам парадку.

98. Педагагічныя работнікі ў адпаведнасці з заканадаўствам маюць права на:

абарону прафесійнага гонару і годнасці;

забеспячэнне ўмоў для ажыццяўлення педагагічнай дзейнасці;

творчую ініцыятыву, свабоду выбару педагагічна абгрунтаваных форм і метадаў навучання і выхавання, вучэбных выданняў і сродкаў навучання;

доступ да вучэбна-праграмнай, вучэбна-метадычнай дакументацыі, інфармацыйна-аналітычных матэрыялаў;

удзел у абнаўленні, распрацоўцы і вызначэнні структуры і зместу структурных элементаў навукова-метадычнага забеспячэння адукацыі;

удзел у навуковай, навукова-тэхнічнай, эксперыментальнай, інавацыйнай, міжнароднай дзейнасці Установы;

удзел у кіраванні Установай;

павышэнне кваліфікацыі;

маральнае і матэрыяльнае ўзнагароджанне за поспехі ў педагагічнай дзейнасці;

аб’яднанне ў прафесіянальныя саюзы, іншыя грамадскія аб’яднанні, дзейнасць якіх не супярэчыць заканадаўству;

штомесячную кампенсацыю расходаў на набыццё вучэбнай і метадычнай літаратуры ў парадку і на ўмовах, якія вызначаюцца Урадам Рэспублікі Беларусь;

атэстацыю ў адпаведнасці з парадкам, устаноўленым Міністэрствам адукацыі Рэспублікі Беларусь;

сацыяльныя гарантыі і кампенсацыі ў адпаведнасці з заканадаўствам;

выбірацца і быць выбранымі ў органы самакіравання.

Іншыя правы педагагічных работнікаў устанаўліваюцца заканадаўствам і іншымі лакальнымі нарматыўнымі прававымі актамі Установы.

99. Педагагічныя работнікі абавязаны:

ажыццяўляць сваю дзейнасць на прафесійным узроўні, які забяспечвае рэалізацыю адукацыйных праграм, праграмы выхавання;

выконваць прававыя, маральныя і этычныя нормы;

паважаць гонар і годнасць навучэнцаў і другіх удзельнікаў адукацыйнага працэсу;

павышаць свой прафесійны ўзровень, праходзіць атэстацыю;

весці здаровы лад жыцця, прапагандаваць яго сярод навучэнцаў;

выконваць спецыяльныя ўмовы, неабходныя для атрымання адукацыі асоб з асаблівасцямі псіхафізічнага развіцця;

садзейнічаць выяўленню і развіццю індывідуальных творчых здольнасцей навучэнцаў;

весці прафілактычную работу па папярэджанню правапарушэнняў сярод навучэнцаў Установы;

своечасова інфармаваць законных прадстаўнікоў навучэнцаў аб парушэннях імі Статута і правіл унутранага распарадку Установы;

выконваць загады і распараджэнні дырэктара Установы і яго намеснікаў, рашэнні, прынятыя педагагічным саветам;

весці ўстаноўленую Міністэрствам адукацыі Рэспублікі Беларусь планавую і ўлікова-справаздачную дакументацыю;

праходзіць папярэдні медыцынскі агляд пры паступленні на работу і перыядычныя медыцынскія агляды ў парадку, устаноўленым Міністэрствам аховы здароўя Рэспублікі Беларусь.

Іншыя абавязкі педагагічных работнікаў устанаўліваюцца заканадаўствам і іншымі лакальнымі нарматыўнымі прававымі актамі Установы адукацыі.

Педагагічным работнікам забараняецца выкарыстоўваць адукацыйны працэс у палітычных мэтах або для прымушэння навучэнцаў да дзеянняў, якія супярэчаць Канстытуцыі Рэспублікі Беларусь і заканадаўству, мабільныя тэлефоны ў асабістых мэтах у час адукацыйнага працэсу ў працоўны час.

100. Законнымі прадстаўнікамі непаўналетніх навучэнцаў Установы з’яўляюцца іх бацькі, усынавіцелі (удачарыцелі), апякуны, папячыцелі.

Законныя прадстаўнікі непаўналетніх навучэнцаў прадстаўляюць правы і законныя інтарэсы непаўналетніх навучэнцаў у грамадскіх адносінах у сферы адукацыі без спецыяльных паўнамоцтваў.

101. Законныя прадстаўнікі непаўналетніх навучэнцаў маюць права на:

азнаямленне з пасведчаннем аб дзяржаўнай рэгістрацыі, устаноўчымі дакументамі, а таксама з вучэбна-праграмнай дакументацыяй Установы;

удзел у кіраванні Установай;

абарону правоў і законных інтарэсаў навучэнцаў;

азнаямленнем з ходам і зместам адукацыйнага працэсу, вынікамі вучэбнай дзейнасці навучэнцаў;

атрыманне інфармацыі аб усіх відах абследаванняў (медыцынскіх, псіхалагічных, педагагічных) навучэнцаў, якія праводзяцца ва Установе;

Іншыя правы законных прадстаўнікоў непаўналетніх навучэнцаў устанаўліваюцца актамі заканадаўства і іншымі лакальнымі нарматыўнымі прававымі актамі Установы.

102. Законныя прадстаўнікі непаўналетніх навучэнцаў абавязаны:

забяспечваць умовы для атрымання адукацыі і развіцця навучэнцаў;

паважаць гонар і годнасць другіх удзельнікаў адукацыйнага працэсу;

выконваць патрабаванні ўстаноўчых дакументаў, правіл унутранага распарадку для навучэнцаў.

Не дапускаецца ўмяшанне законных прадстаўнікоў навучэнцаў у выбар педагагічным работнікам Установы метадаў навучання, адпавядаючых заканадаўству.

Законныя прадстаўнікі непаўналетніх навучэнцаў Установы ў адпаведнасці з заканадаўствам нясуць адказнасць за неналежнае выхаванне дзіцяці.

Іншыя абавязкі законных прадстаўнікоў непаўналетніх навучэнцаў вызначаюцца ва ўстаноўленым заканадаўствам парадку.

103. Педагагічныя работнікі, навучэнцы, законныя прадстаўнікі непаўналетніх навучэнцаў ў адпаведнасці з заканадаўствам нясуць адказнасць за пашкоджанне памяшканняў і збудаванняў Установы, вучэбнага абсталявання, інвентару і іншай маёмасці, кампенсуюць нанесены Установе ўрон у поўным аб’ёме.

ГЛАВА 5

МАЁМАСЦЬ, ФІНАНСАВАННЕ І МАТЭРЫЯЛЬНА-ТЭХНІЧНАЯ

БАЗА УСТАНОВЫ

104. Маёмасць Установы знаходзіцца ва ўласнасці Уласніка і належыць Установе на праве аператыўнага кіравання.

Валоданне, карыстанне і распараджэнне гэтай маёмасцю Установа адукацыі ажыццяўляе ў межах, якія вызначаюцца заканадаўствам.

105. Маёмасць Установы складаюць асноўныя фонды і зваротныя сродкі, іншыя каштоўнасці, кошт якіх адлюстроўваецца ў самастойным балансе Установы.

106. У выпадку ажыццяўлення Установай дзейнасці, якая прыносіць даход, атрыманы ад такой дзейнасці, даход і набытая за яго кошт маёмасць паступаюць у самастойнае распараджэнне Установы і ўлічваюцца на асобным балансе, калі іншае не прадугледжана заканадаўствам.

         107. Крыніцамі фарміравання маёмасці з’яўляюцца:

маёмасць, перададзеная Установе Заснавальнікам;

бязвыплатная спонсарская дапамога юрыдычных і фізічных асоб;

іншыя крыніцы, якія не пярэчаць заканадаўству.

108. Установа мае права без згоды Заснавальніка адчужаць або іншым спосабам распараджацца замацаванай за ёй маёмасцю і маёмасцю, якая набыта за кошт сродкаў, выдзеленых ёй, калі іншае не ўстаноўлена заканадаўчымі актамі.

109. Фінансаванне Установы ажыццяўляецца за кошт сродкаў бюджэту, сродкаў, атрыманых ад пазабюджэтнай дзейнасці, бязвыплатнай (спонсарскай) дапамогі юрыдычных асоб, індывідуальных прадпрымальнікаў і іншых крыніц, не забароненых заканадаўствам.

110. Фінансаванне Установы ажыццяўляецца з улікам дзяржаўных мінімальных сацыяльных стандартаў у галіне адукацыі, рэалізацыі праграмы развіцця сістэмы адукацыі, праграмы развіцця агульнай сярэдняй адукацыі.

111. Ажыццяўленне Установай пазабюджэтнай дзейнасці не цягне зніжэння яго фінансавання за кошт сродкаў рэспубліканскага і (або) мясцовых бюджэтаў.

112. Аказанне платных паслуг у сферы адукацыі не можа ажыццяўляцца ўзамен ці ў рамках адукацыйнай дзейнасці, якая фінансуецца за кошт сродкаў рэспубліканскага і (або) мясцовых бюджэтаў, пагаршаць якасць прадастаўлення паслуг у сферы адукацыі, якія аказваюцца за кошт сродкаў рэспублiканскага i (або) мясцовых бюджэтаў .

113. Сродкі, атрыманыя Установай ад пазабюджэтнай дзейнасці, паступаюць у яго самастойнае распараджэнне і зрасходаванне ў адпаведнасці з заканадаўствам і дадзеным Статутам.

114. Матэрыяльна-тэхнічная база Установы фарміруецца Упаўнаважаным органам у адпаведнасці з патрабаваннямі, усталяванымі заканадаўствам.

115. Матэрыяльна-тэхнiчную базу Установы складаюць зямельны ўчастак, будынкі, збудаванні, абсталяванне i iншая маёмасць.

116. Забараняюцца дзеянні (бяздзейнасць), якія прыводзяць да неабгрунтаванага скарачэння цi пагаршэння матэрыяльна-тэхнічнай базы Установы.

117. Заснавальнік Установы, Упаўнаважаны орган забяспечвае абнаўленне і развіццё матэрыяльна-тэхнічнай базы Установы.

118. Работнікі Установы і навучэнцы абавязаны беражліва ставіцца да будынкаў, збудаванняў, абсталявання, транспартных сродкаў і іншай маёмасці Установы, выкарыстанне якой павінна ажыццяўляцца ў адпаведнасці з прызначэннем маёмасці, санітарнымі нормамі, правіламі і гігіенічнымі нарматывамі.

ГЛАВА 6

ПАРАДАК КІРАВАННЯ ДЗЕЙНАСЦЮ ЎСТАНОВЫ. СТРУКТУРА І ПАРАДАК ФАРМІРАВАННЯ ОРГАНАЎ КІРАВАННЯ І САМАКІРАВАННЯ

119. Кіраванне Установай ажыццяўляецца ў адпаведнасці з Кодэксам Рэспублікі Беларусь аб адукацыі, Палажэннем аб установе дашкольнай адукацыі, Палажэннем аб установе агульнай сярэдняй адукацыі, іншымі актамі заканадаўства, дадзеным Статутам і будуецца на спалучэнні прынцыпаў адзінаначалля і самакіравання.

120. Установу ўзначальвае дырэктар, які ажыццяўляе непасрэднае кіраванне адукацыйным працэсам і бягучай дзейнасцю Установы. Дырэктар і яго намеснікі па вучэбнай і выхаваўчай рабоце арганізуюць выкананне заканадаўства, рашэнняў дзяржаўных органаў кіравання адукацыяй, Заснавальніка.

121. Дырэктар прызначаецца на пасаду і вызваляецца ад пасады Упаўнаважаным органам па ўзгадненню з Заснавальнікам. З дырэктарам заключаеца кантракт у адпаведнасці з заканадаўствам.

122. Намеснік дырэктара назначаецца на пасаду па ўзгадненню з Упаўнаважаным органам.

123. Дырэктар Установы:

арганізуе работу Установы;

нясе адказнасць за вынікі работы Установы;

дзейнічае ад імя Установы, без даверанасці прадстаўляе яе ва ўсіх арганізацыях;

у межах сваёй кампетэнцыі выдае загады і дае ўказанні, абавязковыя для ўсіх работнікаў і навучэнцаў Установы;

у адпаведнасці з заканадаўствам прымяняе меры стымулявання да работнікаў і навучэнцаў Установы і;

зацвярджае структуру і штатны расклад Установы згодна тыпавых штатаў і ў межах сродкаў, выдзеленых на аплату працы;

ажыццяўляе прыём і звальненне работнікаў, зацвярджае іх інструкцыі па пасадзе;

у адпаведнасці з заканадаўствам вызначае формы, сістэмы і памеры аплаты працы работнікаў Установы;

у межах, устаноўленых заканадаўствам і дадзеным Статутам, распараджаецца маёмасцю і нясе персанальную адказнасць за захаванне маёмасці і яе эфектыўнае выкарыстанне;

выступае стараной ад наймальніка ў калектыўных дагаворах з работнікамі Установы;

ажыццяўляе іншыя функцыі, якія прадугледжаны заканадаўствам.

124. Дырэктар Установы мае права:

заключаць дагаворы з арганізацыямі і фізічнымі асобамі на выкананне розных відаў работ (паслуг) у адпаведнасці з заканадаўствам;

выбіраць і быць выбраным у органы самакіравання;

прымяняць меры дысцыплінарнага спагнання да работнікаў і навучэнцаў у адпаведнасці з патрабаваннямі заканадаўства.

125. Аплата працы дырэктара Установы, у тым ліку яго заахвочванне за вынікі працы, ажыццяўляецца ў парадку, вызначаным заканадаўствам.

126. Абавязкі па пасадзе дырэктара Установы зацвярджае Упаўнаважаны орган.

127. Дырэктар Установы ў дзейнасці па кіраванню Установай узаемадзейнічае з органамі кіравання Установы: педагагічным саветам, саветам Установы, папячыцельскім саветам, бацькоўскім камітэтам, дзейнасць якіх ажыццяўляецца ў адпаведнасці з палажэннямі, зацверджанымі Міністэрствам адукацыі Рэспублікі Беларусь.

128. Педагагічны савет з’яўляецца органам кіравання Установы. Склад педагагічнага савета фарміруецца з агульнага ліку працуючых педагагічных работнікаў. Педагагічны савет ажыццяўляе сваю дзейнасць у адпаведнасці з Кодэксам Рэспублікі Беларусь аб адукацыі, палажэннем аб педагагічным савеце Установы, іншымі актамі заканадаўства і дадзеным Статутам.

129. Асноўным органам самакіравання Установы з’яўляецца савет, які ўзначальвае дырэктар. Склад савета фарміруецца з прадстаўнікоў навучэнцаў, іх законных прадстаўнікоў, педагагічных і іншых работнікаў Установы. У склад савета могуць уваходзіць прадстаўнікі мясцовых выканаўчых і распарадчых органаў, іншых дзяржаўных органаў і грамадскіх аб’яднанняў.

130. Савет ажыццяўляе сваю дзейнасць у адпаведнасці з Кодэксам Рэспублікі Беларусь аб адукацыі, палажэннем аб савеце Установы адукацыі, іншымі актамі заканадаўства і дадзеным Статутам.

131. Агульная колькасць членаў савета вызначаецца дадзеным Статутам і складае 15 чалавек. Колькасны склад савета фарміруецца ў наступнай прапорцыі:

25 працэнтаў – прадстаўнікі навучэнцаў Установы, іх законныя прадстаўнікі;

75 працэнтаў – прадстаўнікі педагагічных і іншых работнікаў, мясцовых выканаўчых і распарадчых органаў, іншых дзяржаўных органаў і грамадскіх аб’яднанняў.

132. Прадстаўнікі навучэнцаў, іх законныя прадстаўнікі выбіраюцца адкрытым галасаваннем у класах, аб’яднаннях па інтарэсах, іншых аб’яднаннях навучэнцаў.

Прадстаўнікі педагагічных і іншых работнікаў Установы выбіраюцца адкрытым галасаваннем у парадку, вызначаным дадзеным Статутам.  

Прадстаўнікі мясцовых выканаўчых і распарадчых органаў, іншых дзяржаўных органаў і грамадскіх аб’яднанняў уключаюцца ў склад савета на падставе прапаноў кіраўнікоў названых органаў і арганізацый.

133. Персанальны склад савета зацвярджаецца загадам дырэктара Установы.

134. Тэрмін паўнамоцтваў савета вызначаецца дадзеным Статутам і складае 3 гады.

135. Дзейнасць савета ажыццяўляецца ў адпаведнасці з планам работы, які складаецца на навучальны год і зацвярджаецца кіраўніком пасля разгляду на пасяджэнні савета. Змест плана работы вызначаецца актуальнымі задачамі, якія стаяць перад Установай.

136. Рашэнні савета, якія не супярэчаць заканадаўству і зацверджаныя дырэктарам Установы, з’яўляюцца абавязковымі для педагагічных і іншых работнікаў Установы, навучэнцаў і іх законных прадстаўнікоў.

137. Апякунскі савет з’яўляецца органам самакіравання Установы і ствараецца з мэтай аказання садзеяння ў забеспячэнні яе дзейнасці і развіцця. Склад папячыцельскага савета створаны з законных прадстаўнікоў навучэнцаў, педагагічных работнікаў, прадстаўнікоў грамадскіх арганізацый.

138. Апякунскі савет арганізуе сваю работу ў адпаведнасці з Кодэксам Рэспублікі Беларусь аб адукацыі, Палажэннем аб апякунскім савеце, іншымі актамі заканадаўства і дадзеным Статутам.

139. Апякунскі савет узаемадзейнічае з кіраўніком Установы і другімі органамі самакіравання па пытаннях функцыянавання і развіцця Установы. Прадстаўнік папячыцельскага савета можа ўдзельнічаць ў рабоце другіх органаў самакіравання.

140. Фінансавыя сродкі папячыцельскага савета фарміруюцца з добраахвотных узносаў і іншых крыніц, якія не пярэчаць заканадаўству, залічваюцца на цякучы (разліковы) рахунак па ўліку пазабюджэтных сродкаў Установы і выкарыстоўваюцца па мэтаваму прызначэнню ў адпаведнасці з рашэннем папячыцельскага савета.

141. Штатны расклад Установы адукацыі зацвярджаецца дырэктарам па ўзгадненню з Заснавальнікам на аснове тыпавых штатных нарматываў, зацвярджаемых Міністэрствам адукацыі Рэспублікі Беларусь, у межах сродкаў, выдзеленых на аплату працы.

142. Працоўныя адносіны работнікаў ва Установе рэгулююцца працоўнымі дагаворамі (кантрактамі), якія заключаюцца ў адпаведнасці з працоўным заканадаўствам, калектыўным дагаворам, правіламі ўнутранага працоўнага распарадку.

143. Прыём на работу ва Установу педагагічных і іншых работнікаў ажыццяўляе дырэктар. Да іншых работнікаў Установы адносяцца асобы, якія ажыццяўляюць адміністрацыйна-гаспадарчыя і іншыя дапаможныя функцыі.

144. На педагагічную работу прымаюцца асобы, якія маюць вышэйшую або сярэднюю спецыяльную педагагічную адукацыю. Кваліфікацыйныя патрабаванні да педагагічных работнікаў вызначаюцца адпаведнымі кваліфікацыйнымі характарыстыкамі, якія зацвярджаюцца ў парадку, устаноўленым заканадаўствам.

145. Педагагічную дзейнасць не могуць ажыццяўляць асобы:

пазбаўленыя права займацца педагагічнай дзейнасцю;

маючыя судзімасць;

прызнаныя недзеяздольнымі або абмежавана дзеяздольнымі;

на маючыя права займацца педагагічнай дзейнасцю ў выпадках, прадугледжаных заканадаўчымі актамі.

146. Аплата працы работнікаў Установы ажыццяўляецца ў адпаведнасці з дзеючым заканадаўствам, дзеючымі ва Установе палажэннямі аб прэміраванні, надбаўках, матэрыяльнай дапамозе і даплаце.

147. Атэстацыя педагагічных і іншых работнікаў Установы ажыццяўляецца ў парадку, вызначаемым Міністэрствам адукацыі Рэспублікі Беларусь.

ГЛАВА 7

УЛІК, СПРАВАЗДАЧНАСЦЬ І ПАРАДАК КАНТРОЛЮ ЗА ДЗЕЙНАСЦЮ УСТАНОВЫ

148. Установа ажыццяўляе аператыўны і бухгалтарскі ўлік вынікаў сваёй дзейнасці, прадастаўляе статыстычную і іншую справаздачнасць ва ўстаноўленым парадку, а таксама аператыўную інфармацыю аб выніках фінансава-гаспадарчай дзейнасці Упаўнаважанаму органу, Заснавальніку.

149. За непрадастаўленне і (або) скажэнне справаздачнасці, парушэнне тэрмінаў яе прадастаўлення пасадныя асобы Установы нясуць устаноўленую заканадаўствам адказнасць.

150. Кантроль за дзейнасцю Установы ажыццяўляецца Заснавальнікам і ўпаўнаважанымі дзяржаўнымі органамі.

Рэвізіі фінансава-гаспадарчай дзейнасці Установы праводзяцца ў парадку, устаноўленым заканадаўствам.

151. Дзяржаўныя органы, упаўнаважаныя ажыццяўляць кантроль за забеспячэннем якасці адукацыі, ажыццяўляюць дзейнасць па праверцы стану адпаведнасці адукацыі адукацыйнаму стандарту, вучэбна- праграмнай дакументацыі адукацыйных праграм, адукацыйнай дзейнасці патрабаванням заканадаўства.

152. Установа ажыццяўляе комплексны аналіз адукацыйнай дзейнасці, які ўключае самаправерку, самаацэнку адукацыйнай дзейнасці (самакантроль за забеспячэннем якасці адукацыі).

Парадак і перыядычнасць правядзення самакантролю за забеспячэннем якасці адукацыі вызначаюцца дырэктарам Установы.

ГЛАВА 8

МІЖНАРОДНАЯ ДЗЕЙНАСЦЬ УСТАНОВЫ

153. Установа можа ажыццяўляць міжнароднае супрацоўніцтва ў адпаведнасці з актамі заканадаўства на аснове міжнародных пагадненняў і дамоваў у галіне адукацыі.

ГЛАВА 9

РЭАРГАНІЗАЦЫЯ І ЛІКВІДАЦЫЯ УСТАНОВЫ

154. Стварэнне, рэарганізацыя і ліквідацыя Установы ажыццяўляюцца ў парадку, устаноўленым Кодэксам Рэспублікі Беларусь аб адукацыі, Палажэннем аб дзяржаўнай рэгістрацыі суб'ектаў гаспадарання, зацверджаным Дэкрэтам Прэзідэнта Рэспублікі Беларусь ад 16 студзеня 2009 г. № 1 «Аб дзяржаўнай рэгістрацыі і ліквідацыі (спыненні дзейнасці) суб'ектаў гаспадарання» і іншымі актамі заканадаўства.

155. У выпадку спынення дзейнасці Установы, анулявання, спынення дзеяння спецыяльнага дазволу (лiцэнзii) на адукацыйную дзейнасць Установы (па яго адасобленым падраздзяленням, у адносінах да адной або некалькіх работ і (або) паслуг, якія складаюць адукацыйную дзейнасць) Заснавальнік, Упаўнаважаны орган прымае меры па пераводзе навучэнцаў з іх згоды, згоды законных прадстаўнікоў непаўналетніх навучэнцаў у іншыя ўстановы адукацыі, якія рэалізуюць адукацыйныя праграмы, у парадку, якi ўстанаўлiваецца Урадам Рэспублiкi Беларусь.

ГЛАВА 10

ПАРАДАК ЗАНЯСЕННЯ ЗМЕНАЎ I (АБО) ДАПАЎНЕННЯЎ У СТАТУТ

156. Змены і (або) дапаўненні ў Статут ўносяцца ў парадку і на ўмовах, устаноўленых дзеючым заканадаўствам.

157. Змены і (або) дапаўненні, што ўносяцца ў Статут Установы, лічацца зарэгістраванымі з даты прастаўлення штампа на такіх зменах і (або) дапаўненнях і ўнясення запісу аб іх дзяржаўнай рэгістрацыі ў Адзіны дзяржаўны рэгістр юрыдычных асоб і індывідуальных прадпрымальнікаў.

Комментарии:
Оставлять комментарии могут только авторизованные посетители.